بعد السلام والتحيه
بسم الله الرحمن الرحيم
عَنْ أَبِي هُرَيْرَةَ رضي الله عنه أَنَّهُ سَمِعَ رَسُولَ اَللَّهِ صلى الله عليه وسلم يَقُولُ: إِنَّ اَلرَّجُلَ لَيَتَكَلَّمُ بِالْكَلِمَةِ، لَا يُلْقِي لَهَا بَالاً، يَهْوِي بِهَا فِي اَلنَّارِ، أَبَعْدَ مَا بَيْنَ اَلْمَشْرِقِ وَالْمَغْرِبِ .
لذلك:
اليكم كلمات خطيره جدا تودى الواحد فى داهيه وهو مش واخد باله وللأسف كتير مننا بيقولها ومش فاهم معناها .......لذلك
انا جيبالكم النهارده كلمات لازم لازم نتجنبها مش هطول عليكم .
اليكم الأن ....................
(( يدى الحلق للى بلا ودان))
وسبب التحريم ان الكلمه دى معناها انك بتعدل على ربنا فى تقسيم الرزق وده طبعا حرام وكفر بنعمة الله عليك لانك مش راضى بللى ربنا قسمهولك.
((فلان ربنا إفتكره))
وسبب التحريم ان الكلمه دى معناها ان ربنا كان ناسيه ولما إفتكره خده ، بقى ده كلام بزمتك . حرام طبعا لان ربنا ما بينساش حد .
((والنبى ، والكعبه الشريفه ، وحياتى ، والختمه الشريفه ، ورحمة أبويا و امى ............ وماشابه ذلك )).
وسبب التحريم انك بتحلف بغير الله ودى كلمات من الكفر وليعاذ بالله. لان الرسول صلى الله عليه وسلم قال : ألا إني أنهاكم أن تحلفوا بآبائكم من كان حالفا فليحلف بالله أو ليصمت وايضا قال رسول الله صلى الله عليه و سلم : ( من حلف بغير الله فقد كفر -أو أشرك - )
طب نعمل ايه وكلمة والنبى فى لسانا عالطول .
لما نقولها نقول لا إله إلا الله او استغفر الله العظيم مباشرة وعود لسانك ان مش تقولها تانى .
((لا حول الله يارب ))
اما دى بقى مصيبه لانك كده بتقول ان ربنا مالوش لاحول ولا قوه ، والكلمه دى بتتقال لما واحد يحصله كارثه او مصيبه او ابتلاء فتلاقى اللى قدامه قال لا حول لله وده طبعا غلط كبير جدا .
اومال نقول ايه ؟؟؟؟؟؟؟؟؟؟
نقول "لاحول ولا قوة الا بالله"
((ده احنا زرنا النبى ))
كلمة غلط خالص لانك بتشبه الضيف اللى زارك بالنبى وده مش صحيح . هو صحيح زيارة هذا الشخص طيبه وجميله لكن مش لدرجة انك تشبه بالنبى . معنى ذلك ان اى حد هيجى يزورك هتشبهه بالنبى .
((يلعن ابو الزمن اللى ..........))
ودى بردو كلمه حرام اوى لانك بتلعن الزمن !!!!!!!!
أوتدرى من هو الزمن (الدهر) ؟؟؟؟؟؟؟؟؟؟؟؟
الزمن هو الله ألم تسمع حديث ابى هريره:
عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .
ومنها رواية للإمام أحمد : ( لا تسبوا الدهر فإن الله عز وجل قال : أنا الدهر الأيام والليالي لي أجددها وأبليها وآتي بملوك بعد ملوك ) وصححه الألباني .
وجاء الحديث بألفاظ مختلفة منها رواية مسلم : "قال الله عز وجل : يؤذيني ابن آدم يقول : يا خيبة الدهر ، فلا يقولن أحدكم : يا خيبة الدهر ، فإني أنا الدهر أقلب ليله ونهاره فإذا شئت قبضتهما ".
ولهذا أثبت الله الأذية في القرآن الكريم فقال تعالى : {إن الذين يؤذون الله ورسوله لعنهم الله في الدنيا والآخرة وأعد لهم عذابا مهينا }(الأحزاب 57)، ونفى عن نفسه أن يضره شيء فقال تعالى : {إنهم لن يضروا الله شيئا }( آل عمران 176) ، وقال في الحديث القدسي : ( يا عبادي إنكم لن تبلغوا ضري فتضروني ) رواه مسلم .
((الزمن غدار ))
والسبب فى التحريم لنفس السبب السابق .
فى بقى حاجه كمان سمعتها فى اغنية عبد الحليم حافظ من زمان لانى الحمد لله خلاص قاطعت الاغانى بس افتركتها فقولت اقولكم عليها لحسن ترددوا الاغنيه وانتم مش واخدين بالكم
فى اغنيه من اغانيه قال كلمة (( قدر احمق الخطا )) ..... استغفر الله العظيم
انا مش هتكلم فيها كتير........
بس بدعيله ربنا يسامحه عليها ....
ماهو القضاء والقدر من الله يبقى ازاى يقول كده ربنا يسامحه بقى .
( تتبع )
الجزء الثانى
بعد السلام والتحيه
تكملة للموضوع السابق اليكم كلمات اخرى شائعه فى مجتمعنا احذروها .................
- تجد الكثير من النساء خاصة يقولن .....
(اسم النبى حرصه وصاينه)
وطبعا دى كلمه حرام جدا لانها بالشكل ده نسبت حماية هذا العبد للنبى يعنى ان النبى هو اللى حاميه وطبعا هنا فيها نكرانيه لله.
- وتجد العديد من الناس يقولون ..........
(مدد يا سيدى الحسين مدد...... وماشابه ذلك)
و بردو ده مش صح ، ذى بردو اللى يروح يدعى عند الحسين ويقول وحياتك يا سيدى يا حسين تخلينى اخلف مثلا او ابنى ينجح او شىء اخر... .
- وتجد اناس يقعون فى خطأ كبير وهو على سبيل المثال :
ان تجد شخص يعبر الشارع وكادت سياره ان تدهمه ولكن جاء شخص اخر باعده عنها فتجده يقول له ( يااااااااااه لولاك يا اخى كنت الوقت فخبر كان ) .
والحرام فى كده انه نسب انقاذه من الموت له اى لهذا الشخص .
طب اومال يقول ايه ؟؟؟؟؟؟؟؟؟؟؟؟؟؟
يقول ياااه الحمد لله اللى خلاك تقف فطريقى عشان تحشنى ويشكره وخلاص ولله الشكر والحمد.
- تجد ايضا اناس كثيرون يقولون .......... مثلا يعنى :
( ياه ده الامتحان كان صعب جدا ،( لو ) وخد بالك من الكلمه دى( لو ) ربنا خد بيدى ونجحنى ده انا أصلى ركعتين او أطلع قرشين).
هتسألنى تقولى .....
طب ما هو الراجل كلامه نضيف اهو ايه الغلط فى كده ؟؟؟؟؟؟؟؟؟؟؟؟؟؟
هقولك انه كده كأنه بيشترط على الله انك ياربى لو نجحتنى هصلى او هطلع فلوس ما نجحتنيش لا هصلى ولا هطلع فلوس . شوفت بقى انها كلمه خطيره ازاى .
- ايضا مثل ذلك من ينذر نذرا ( ندر يعنى ) فتجده
(ينذره للسيده عائشه او فاطمه ويروح يفرق شمع وحاجات تانيه وقد تصل لانه يذبح ذبيحه من اجلهم).
بردو حرام لان الواحد مفروض يطلع اللى عايزه لله فقط مش عشان حد تانى حتى لو كان من اهل بيت رسول الله ( صلى الله عليه وسلم).
- اقولك بقى على حاجه كمان بس ماتزعلش منى ولا تقول لأ بقى انتى كده محبكاها اوى ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!
طب صلى على حبيبك الاول ( صلى الله عليه وسلم )
مش بتلاقى كتير اوى من البنات ماسكين ورده ويقولو ( بيحبنى ، مابيحبنيش.............) ولو جت اخر نتفه فى ورق الورده بيحبنى تجرى وتقول .............
هيييييييييييييييييييييييه بيحبنى بيحبنى للللللللللللللللللللولى وتزغرت اوى ، اما بقى لو جت مابيحبنيش ، تلاقى وشها جاب ميت لون واضايقت كده وقلبت وشها 111 . وتلاقيها قالت خلاص مافيش فايده ............ وتعيط وتلاقيها مكتئبه .
صح والله بنشوف كده كتير اوى ...
اهو ده غلط !!!!!!!!! تعرف ليه لانهم متخيلين ان الورده هى اللى بتحدد مستقبلهم ، او يعنى متخيلين انها هتقولهم على الغيب .
هتقولى لا بس فى ناس بتعملها من اجل اللعب ، يعنى بيلعب هيشوف يعنى ممكن الورده تقوله ايه ...............
اقولك طب ليه مايصليش صلاة استخاره ؟؟؟؟؟؟؟؟؟؟؟؟؟؟؟ ويدعى يقول "يارب اللهم انى استخيرك فى امرى ان كان خيرا فاكتبه لى وان كان شرا فابعده عنى ".
ها .......... شوفت بقى ان الوقت اللى هيضيعو فى نتف الورده يروح احسن يصلى ركعتين استخاره ازاى ، واهو يكسب ثواب الصلاة.
- ايضا هناك اشخاص عاشقون الصحف والمجلات تجدهم يأتون بالصحيفه كل يوم واول صفحه يفتحوها هى (حظك اليوم) بغض النظر عن صفحة الحوادث يعنى .
وبردو ده حرام هتقولى لا والله ده الناس بتعملها حب استطلاع هقولك مانا كنت كده لحد ما بقيت اصدق وبقيت اثق فيها بس مش لدرجة انى اروح اشتريها مخصوص يعنى . لكن بقيت لما اشوف اى جريده اروح اشوف فيها حظى لحد ما سمعت الشيخ بيقول ان ده حرام ولازم نتجنب ذلك.
ممكن تقولى لأ بس كتير من الكلام ده بيطلع صح هقولك
"كذب المنجمون ولو صدفوا"
( تتبع )
الجزء الثالث
بعد السلام والتحيه
اليكم الجزء الثالث من الكلمات الشائعه فى مجتمعنا ونرددها بلا فهم رغم انها حرااااااااام جدا...
(انا بحب المغنى الفلانى او الممثل العلانى ) مش بتلاقى كتير من الناس بيقولوا كده ...........
طب وايه الحرام فى كده .... هقولك بس اسالك سؤال تحب تحشر مع من فى يوم القيامه ؟؟؟
مع الرسول طبعا (صلى الله عليه وسلم) هى دى عايزه كلام ...
إذاً مش لازم خالص تقول انا بحب الممثل ده او المغنى ده .... < لأن المرء مع من احب > وطبعا انت ما تتمناش انك تكون مع مغنى ولا ممثل .
طب اومال اقول ايه ؟؟؟؟؟؟؟
قول انا بستلطفه او بسمعله او اى شىء اخر ...ونصيحه منى ماتسمعش اغانى من اصله ، عشان الشياطين تبعد عنك واسمع اناشيد احسن بدلا منها وربنا يهديك ويهدينا جميعا.
الناس اللى بتحلف بغير الله ذى ( وحق العيش والملح والنعمه والختمه الشريفه والكعبه الشريفه ................) .
وده حرام لانه حلف بغير الله
طب دى مالها دى كمان ؟؟؟
بردو فى ناس بتقول شىء غريب جدا ( بحق اللى خلقك من غير مناسبه او من غير لزمه).
يانهار ابيض اذاى تقول كده بقى ربنا بيخلقنا من غير مناسبه او من غير لزمه ... حرام طبعا ، ده الواحد بيدعى ويقول
" ربنا ما خلقت هذا باطلا سبحانك " يبقى ازاى ربنا خلقنا من غير لزمه واحنا خلفاءه فى الارض ، يبقى ما نقولش خالص الكلمه دى لا على الانسان ولا على الحيوانات ولا الحشرات ولا اى مخلوق فى الدنيا .
بردو فى ناس تلاقيها تقول ايه ( وحياة اغلى حاجه عندك ) .
وده حرام عشان كده بيحلفه بغير الله فمروض يقوله استحلفك بالله .
بردو شىء اخر لفت نظرى هو انك تلاقى واحد يقول للتانى ( تصدق وتؤمن بأيه )
طب انا بقى عيزاك انت اللى تحكم المره دى بزمتك ينفع كده ؟
هو الواحد عنده حاجه تانيه يؤمن بيها غير ربنا ؟؟؟ فالمفروض يقوله < تصدق وتؤمن بالله> كى لايقع فى الشرك. صح وله ايه ؟؟
كمان فى حاجه خدوا بالكم منها ( رضيت بالله ربا وبالاسلام دينا و بسيدنا محمد نبيا ورسولا كريما )
ماتقولش كريما اقف لحد رسولا بس ، والحقيقه انا مش عارفه ليه بس سمعتها من الشيخ قالها فى التليفزيون ، بس ماعرفتش السبب ايه . فياريت اللى يعرف ينورنا ...
تلاقى ناس بردو تقول ( ده كان يوم شؤم دى كانت ساعه ذفت ، الله يخرب بيت اليوم اللى اتولدت فيه .............. وكلام كتير اوى من ده )
صح مش بتسمع كده بردو .. بردو اللى بيقول ( يانهار اسود او كوبيه ................ وما شابه ذالك)
اهو كده هو سب الدهر واحنا اتفقنا ان اللى يسب الدهر كأنه سب الخالق < استغفر الله العظيم >.
فى ناس بقى بيقولوا الكلمه دى ( الجواز مشروع فاشل )
ياراجل حرام عليك ...
ليه كده ؟؟ مش ربنا حلل الزواج فى القرآن فى كذا سورة ووضح لنا اسس الزواج والبيت الاسلامى ، وحق الزوج والزجه والابناء كمان ، طب اذاى توصف حاجه ربنا معززها وذاكرها فى القرآن بانها فاشله ، غلط طبعا.
فخلى بالك بقى لان الكلمه دى كترت اوى اليومين دول . وانصح اى حد يقولها بانها غلط .
كمان حاجه كلنا بنقع فيها هى اننا دايما لما بنذكر اسم الرسول فى اى موضوع بنكتب (صلى) او ( ص) .
وده حرام لانك بتنقص من قدر الرسول .!!!!!!!!!
كده بردو بقى حبيبك وشفيعك فى يوم الدين تستخصر تصلى عليه ده ربنا عز وجل بيصلى عليك عشرة لما تصلى على الرسول مره ، يبقى انت بقى مستخصر فى نفسك وله فى مين بالظبط ؟؟
و كمان خلى بالك الرسول صلى الله عليه وسلم قال ( البخيل من ذكر اسمى عنده ولم يصلى على )
، فلازم تصلى عليه وتكتبها كامله < صلى الله عليه وسلم >.
والا هتكون بخيل انت حر .
ما تتدعيش على حد وتقوله ( نهارك مطين او يخرب بيتك او عقلك ..........).
لانك لما بتتدعى لحد او على حد فى ملاك بيقولك ولك مثله
وطبعا انت ماتتمناش ان يحصلك حاجه وحشه ، كمان احنا مسلمين والمسلم يحب لاخيه المسلم ما يحبه لنفسه... وله ايه؟؟؟؟
اقولك تقوله ايه احسن ما دام مصمم تتدعى عليه ..... قوله يلعن شيطانك او يخرب شيطانك ، والاحسن من ده كله قوله روح يا شيخ الله يسامحك . مش احسن بردو وله ايه ؟؟؟
اقولك بقى على حاجه كمان مش تلاقى ناس كتير اوى تقولك عن النساء (ياعم دول ناقصات عقل ودين) .
هى مش حرام ولا حاجه بس فاهمين غلط كلنا فاهمين ان الكلمه دى معناها ان النساء متخلفين وعقلهم صغير رغم ان المعنى المقصود غير كده خالص .... معناها الحقيقى ان ناقصات عقل بمعنى ان عند الشهاده فى المحكمه مثلا او لما تكون المراة شاهدة فى امضاء العقود فلازم يكون فى واحده كمان معاها يعنى مثلا رجل وامراتان يعنى الرجل بإمرأتان ، اما ناقصات دين فهى لان ياتى عليها فترة تمنع من الصلاة وقراءة القرآن .
بردو شىء اخر اللى بيقول ( ده كله من خيرك او ده كله بفضلك او ده لحم كتافى من خيره ..........وما شابه ذالك)
غلط بردو لانه جعل سبب النعمه اللى هو فيها لشخص اخر غير الله مع ان ربنا هو العاطى وهو اللى سبب الاسباب بان الشخص ده يكون هو اللى يساعده ، فطبعا ده نوع من انواع الشرك والجحود. واليعاذ بالله .
وكتير اوى بقى مننا يقول ( انا واقع تحت رحمته ، لا يرحم ولا يسيب رحمة ربنا تنزل )
فى الامر الاول حرام عشان كده هو معتقد ان الرحمه اللى بيطلبها من البشر وده مش صحيح ، اما الامر الثانى فكده هو جعل لرحمة الله شىء يمنعها من النزول وطبعا كلنا عارفين لا مانع لعطاء الله لعبده اى شىء.
"قل لن يصيبنا الا ما كتبه الله لنا "
...وشكرا...
( تتبع )
الجزء الرابع
بعد السلام والتحيه
اليكم الجزء الرابع من الكلمات الشائعه الخاطئه فى مجتمعنا
- كتييييييييييييير اوى من الناس لما يبتلوا بمصيبة او كارثة ذى
الموت ويكون سبب الموت مثلا حادثة سيارة حفظنا الله واياكم من الكوارث و موت البغته والموت على المعاصى لا قدر الله .
المهم يقولك ايه ( يمكن لو مكانش خرج راح المشوار ده ماكنش مات ) .............. استغفر الله العظيم
وطبعا الكلمه دى غلط لانه لا يمنع كلمة الله اى شىء .
الم يسمع قوله تعالى < وان يمسك الله بضر فلا كاشف له الا هو وان يردك بخير فلا راد لفضله يصيب به من يشاء من عباده وهو الغفور الرحيم > و < قل لن يصيبنا الا ما كتبه الله لنا >
و لما يتعمل بقى العزه تلاقى الناس بتعزيه فتقوله كلمة ( البقيه فى حياتك ) ، والتانى يرد يقوله ( حياتك الباقيه )
والكلمه دى حرام جدا جدا لان كده معناها ان الشخص اللى مات
ده ياعينى مات قبل اوانه ، اى انه كان فى عمره بقيه لكن بقى ربنا خده قبل مايكمل بقية عمره ، وده طبعا غلط ، والتاني يقوله حياتك الباقيه ، طب ده على اى اساس ، على اساس انه هيخلد فى الدنيا ومش هيموت مثلا ؟؟؟
ولو قلتلوا على فكره الكلمه دى حرام يقولك ياعم بقى انت محبكها اوى اصل دى كلمه فى بقنا بنقولها عالطول واتعودنا عليها خلاص .
لكن .................. الصح ان الواحد يقول البقاء لله فالتانى يقول كلنا لها .
هى مين دى اللى كلنا لها ، هى الاخره يعنى انت ميت وانا ميت وهم السابقون ونحن اللاحقون .
فخلوا بالكم .
بردو كلمه ذيها ( ده اتخطف من الدنيا خطف ) ، ( ده مات ناقص عمر ) كلها كلمات حرام × حرام.
- بردو كتير اوى من الناس تلاقيهم بيعملوا حاجات كده عشان الحسد ذى ( العين الزرقاء ، والكف ، والبخور ) .
ايه هو البخور كمان حرام ؟؟؟؟؟؟؟؟؟؟؟؟؟؟؟؟
اقولك والله الشيخ قال البخور طيب وحسن من اجل ابعاد الشياطين من دخول المنزل ، ماشى ، لكن مش لتبخير المنزل من الحسد والعين لانها مش هى دى الرقيه الشرعيه .
اومال ايه الرؤيه الشرعيه ؟؟؟؟؟؟؟؟
هى انك تاتى بايات القران وتقراها وهى المعوذتين والاخلاص وهناك بعض ايات الحسد ايضا . اوعدكم اجبهالكم فى مره ان شاء الله .
اما بقى بالنسبه للعين الزرقاء والكف وتلاقى الواحد من دول معلق كف قد الشبشب على باب البيت قال يعنى ان ده هو اللى هيمنع الحسد لا وايه لازم يكون ازرق ، مش عارفه بصراحه يعنى جابوا الحاجات دى منين مش عارفه ، هم يعنى مش واثقين فى ايات منع الحسد فقالوا خلاص نجرب حاجه تانيه يعنى ولا ايه ، والله منا عارفه ايه اللى فى نيتهم بصراحه .
- و فى ناس بقى ايه تشوفلك ( الفنجان وتقرأ الكف ............... وماشابه ذلك )
فاكرين انه بكده هيعرفوا الغيب او يعنى ممكن تقولك ايه اهو الواحد بيشوف حظه .
بردو حرام حتى لو طلع صح اللى هى شافته وقالته .
بس تسالنى تقولى ده بيطلع صح والله وحصلت معايا
؟؟؟!!!!
اقولك ماهو الشيطان بيخليك تشوف كده وتفسره بالطريقه دى ، عشان يهيأ لك انه الكلام ده صح وشوفت بقى ده مافيش حد قدك فى تفسير الفنجان وبكده تعصى الله وتخرج عن طاعته وتدخل فى دائرة الشيطان.
- ( ده لا عاش ولا كان اللى يقول عليك كده ، ده لسه ما اتخلقش اللى يقول عليك كده )
صح مش بتسمع الكلمه دى كتير .
طب ايه الحرام فيها؟؟؟؟؟؟؟؟؟؟؟؟؟؟؟؟
حرام لانه كده اعطى قدر للشخص ده اكبر من قدره لدرجة ان مايصحش ربنا يخلق واحد يتعدى عليه .
يااااااااااااااااااااااااه يا نهار ابيض دى كلمه قاسيه جدا اذاى كنا بنقولها واحنا مش فهمنها كده .استغفر الله العظيم .
شوفت بقى خلى بالك ومش تقولها تانى ونبه اى حد يقولها ....
- وفى بقى كلمه فى منتهى الغباء سورى يعنى
( دى روحه فى كف عفريت ، الدنيا على جناح يمامه او على كف عفريت )
مش بتسمع دى كمان كتير اوى .
ودى حرااااااااااااااام جدااااااااااااااااااااا لان الروح فى ايد اللى خلقها يبقى عفريت ايه بس ، وبعدين عفريت ايه اللى انتم فاكرين انه بيعرف فى الغيب والكلام ده كله،
ده سيدنا سليمان عليه السلام مات قدامهم على العصى بتاعته سنييييييييييييين وماعرفوش انه مات تعرف ايه اللى عرفهم مش هتصدق سوس الارض.
ايه سوس الارض ازاى يعنى ؟؟
اه والله سوس الارض ، لما سيدنا سليمان كان جالسا وفى يده العصى وكان ساند عليها فجاءه ملك الموت وقبض روحه ولكنه ظل هكذا سنوات وقتها اصبح سوس الارض ياكل العصى حتى خوت وعندئذن سقط سيدنا سليمان على الارض فعرفوا انه مات.
شوفت بقى ان العفاريت والجن مايعرفوش الغيب ازاى لو كانوا يعرفوا ماكنوش فضلوا فى عذابهم طول المده دى كلها .
- ( اللى يحتاجه البيت يحرم عالجامع )
كلمه للاسف انتشرت كتييييييييييييييييير اوى عشان الواحد مايطلعش حاجه للجامع ولا حول ولا قوة الا بالله.
مع ان المفروض يقول اللى محتاجه الجامع يحرم عالبيت
ياجماعه ماشوفتوش الصحابه كانوا بيعملوا ايه للمسلمين و ايام الجهاد كانوا بيطلعوا كل اللى عندهم للمسلمين الفقراء . والنماذج على كده كتييييييييييير جدااااااا بس منعا للاطاله مش عايزه اذكر ذى مين . عليكم تجنب هذه الكلمه ولا تعملوا بها وبارك الله فيكم .
اما بالنسبه ( لتقبيل الفلوس واليد وش وضهر )
على اعتقاد ان تقبيل الفلوس بكده هو بيشكر النعمه لا بالعكس انت مفروض يا اخى تصلى ركعتين شكر ولو باستطاععتك اخراج شىء لله منها افعل ، هو ده اداء شكر النعمه حقا .
اما تقبيل اليد والله مش عارفه بس لم يذكر فى اى كتاب انه محبب .
اصل على اساس ايه يقبل ايده وش وضهر ، على اساس انها هى اللى جابتله الرزق يعنى . طبعا لا مش ايده هى اللى جابت الرزق ده ربنا سبحانه وتعالى هو اللى جابله الرزق .
فاحسنله انه يصلى بردو صلاة شكر ويحمد ربنا اوى ، ده احسن الدعاء فى وقت الرخاء.
- فى بقى ناس لما تشوفك وتسلم عليك كتير تقولك ايه
يووووووه ايه يا عم ده ( كتر السلام يقل المعرفه) .
يانهارك ابيض بقى السلام يقل المعرفه ، ده الرسول عليه افضل الصلاة واذكى السلام قال فيما معناه : افشوا السلام بينكم لتتحابوا ، وربنا اسمه السلام ، فضلا عن كمية الحسنات اللى الواحد بياخدها لما بيسلم على حد : و هى ان اللى بيبادر بالسلام الاول له 90 حسنه والتانى له 10 اللى هو ملقى عليه السلام شوفت بقى ربنا بيحببنا فى السلام قد ايه .
ده السلام لوحده كفايه انه يخلى الواحد يفضل يلقى السلام على خلق الله فى الشارع طول ماهو ماشى.
اسالك بقى سؤال هى تحية الاسلام مش السلام عليكم ؟؟؟؟؟؟؟؟؟؟؟؟
اه طبعا هو فى غيرها ...
طب ليه كتير مننا بيقول كلمة ( باى باى ، هاى ) هى دى فى الاسلام
لا بس عادى يعنى عرفناها من الغرب ماتحبيكيهاش بقى .....
لا احبكها عارف ليه؟؟؟؟
لان كلمة السلام عليكم ورحمة الله وبركاته يعنى انا كده بدعيلك بالسلام والرحمه وبركات الله وخلى بالك الله ، طب تعرف بقى كلمة باى باى دى معناها ايه ؟؟؟؟؟؟؟؟؟؟؟؟
معناها اتركك فى رعاية البابا يعنى بابا المسيحيين!!!!!!!!!!!
شوفت بقى مش تقولها تانى
اقولك بقى على حاجه بس خلى بالك منها اوى اوى اوى لاننا بنسمعها ويمكن بنقولها كمان هى كلمة
( السام عليكم )
وخلى بالك من الكلمه دى ماتقولهاش خالص ولو سمعت واحد مسلم بيقولها نبهه لانها معناها عليك الموت والهلاك ولو لقيت واحد مثلا مصمم يقولهالك ، فقوله اذن وعليك .
- اليك بقى اربع كلمات كل واحده فيهم افظع من اختها :
الاولى ( انا بحبها لدرجة العباده )
التانيه ( اتكل عليا انت بس فى الموضوع ده وما تشلش هم )
الثالثه ( استغفر الله العظيم اقعد اذاى بس وحضرتك واقف لا مايصحش )
الرابعه ( عبد السفنكرير ) اللى قالها البيه عادل امام والناس خدتها من بعده .
اما الاولى والتانيه شرك شرك شرك شرك شرك شرك بالله
وليعاذ بالله .
ياراجل حرام عليك مين دى بس اللى عبدتها واشركت بربنا عشانها
اتقى الله وديت نفسك فى داهيه عشان بنت ، والله حرام .
اما اتكل عليا كده هو خلى اللى قدامه يبقى معتمد عليه هو بس فى الموضوع بتاعه لدرجة انه نسى ربنا ، فبدل مايقول اتوكل على الله هيقول على كده اتكل على فلان ، استغفر الله العظيم .
و بردو كلمة اعتمد عليا مش صح نقولها بردو .
اما الثالثه ماشى انت مش قادر تقعد قدامه عشان مايصحش ، طب تستغفر ربنا ليه بس ، كده انت اعطيته قدر اكبر من قدره لانه مش ملاك ولا رسول ، طب ياريت كان الرسول والله ده الواحد كان باع نصف عمره عشان بس يشوفه مش يقعد معاه كمان .
فخلوا بالكم ياجماعه .
والرابعه بقى دى مصيبه مصيبه مصيبه مصيبه مصيبه تجرأ على الله ، وللاسف الناس وخداها تهريج بتقولها عادى .
بقى حضرته صنع اسم لله كده من نفسه
لا وايه بيشتم كمان ويقول اه هو ده ابن الـــــــــــــــــــــــ
وانتم عارفين طبعا
والله ده الواحد كل مايشوف المشهد ده يتحرق دمه . ويستغفر ربنا ويقول اللهم لا تؤاخذنا بما فعل السفهاء منا .
فمش لازم نقولها ابداً
الجزء الخامس
بعد السلام والتحيه
الجزء ده خاص جدا يا جماعه لانه متعلق بالامثال الخاطئه فى مجتمعنا ، فى امثال يا جماعه فى حياتنا خطيره جدا ولو الواحد عرف معناها هيلاقيها غلط عليه لو قالها ، اما لو عرف معناها وتهاون بالامر وظل يقولها وقال لا عادى المهم انا نيتى ايه فده عقابه عند ربنا اشد .
فقد قال رسول الله صلى الله عليه وسلم" إن أحدكم ليتكلم بالكلمة من رضوان الله ما يظن أن تبلغ ما بلغت فيكتب الله له بها رضوانه إلى يوم يلقاه ، وإن أحدكم ليتكلم بالكلمة من سخط الله ما يظن أن تبلغ ما بلغت فيكتب الله له بها سخطه إلى يوم القيامة " رواه ابن ماجه وابن حبان والترمذي والحاكم .
لذلك تعالوا مع بعض نعرف الامثال المحرمه تماما من قولها ، نقلتلكم بعضها والبعض الاخر جمعتها من افواه الناس اللى بتقولها .
( ان جالك الطوفان حط ابنك تحت رجليك )
ودى دعوة للقسوة والظلم واباحة فعل اى شىء عند الضيق
ماهو لما الاب يحط ابنه تحت رجله يبقى مستباح يفعل اى شىء
اخر ، وكأن المثل ده يعادل المثل الاجنبى الذى يقول
( الغايه تبرر الوسيله ) بل ويؤيده ايضا وبالطبع هذا حرام .
( ان قابلك الاعمي كل عشاه مانتش ارحم من اللي عماه )
يعنى بصراحه مثل فى غاية القسوة والجهل ولا تعليق فيه .
( اعمل الخير وارميه فى البحر )
الشيخ قال ان المثل ده حرام لكن الحقيقه ماعرفش ايه السبب.
( اللى يحتاجه البيت يحرم على الجامع )
مثل حرااااااااااااااام جدا ، المفروض العكس بالظبط
بدليل قوله تعالى :
(ويؤثرون على انفسهم ولو كان بهم خصاصة )
( كُل مع الكافر و لا تاكل مع طويل الاظافر )
ولا تعليق فيه الحقيقه .
( لا تصاحب الاقرع ولا تاخد منه نصيحه ، لو كان ربنا بيحبه كان سابله راسه صحيحه )
طب بذمتكم ده كلام يعنى ، حاجه غريبه جدا .
( يوم الجمعة فيه ساعة نحس )
اذاى نقول كده ويوم الجمعه ده احب الايام الى الله ده بالاضافه إلى ساعة استجابة الدعاء . يبقى ساعة نحس ايه دى استغفر الله العظيم .
( انا بكره الراجل ده لله فى لله )
الحب فقط هو اللى يكون فى الله لذلك نقول احنا بنحب الشيخ الفلانى فى الله وماينفعش ابدا نقول انا بكره فلان لله فى الله وده غلط كبير جدا .
فعن أبي هريرة رضي الله عنه قال : سمعت رسول الله صلى الله عليه وسلم يقول :
(سبعة يظلهم الله في ظلّه يوم لا ظل إلا ظله:
إمام عادل، وشاب نشأ في عبادة الله ، ورجلان تحابا في الله
اجتمعا عليه وتفرقا عليه ، ورجل ذكر الله خالياً ففاضت
عيناه ، ورجل قلبه معلق بالمساجد ، ورجل تصدق بصدقة
فأخفاها حتى لا تعلم شماله ما تنفق يمينه، ورجل دعته امرأة
ذات منصب وجمال فقال : إني أخاف الله رب العالمين ) .
أخرجه البخاري ومسلم .
( إذا الشعب يوما أراد الحياة ، فلابد أن يستجيب القدر )
وده معناه ان إرادة الله لابد وان تكون تابعة وخاضعه لإرادة خلقه . وده حرام طبعا .
و الله سبحانه و تعالى يقول : "و ما تشاؤون إلا أن يشاء الله".
( اللهم إني لا أسألك رد القضاء و لكنى أسألك اللطف فيه )
تأكدت والحمد لله ان الدعاء ده باطلا عشان ماكنتش مصدقاه
فقد قال الشيخ محمد بن صالح العثيمين رحمه الله:
هذا دعاء بدع و بـــاطل، فإذا قال : " اللهم إني لا أسألك رد
القضاء و لكن أسألك اللطف فيه "
معناه أنه مستغن ، أي افعل ما شئت و لكن خفف ، و هذا غلط ،
فالإنسان يسأل الله عز و جل رفع البلاء نهائيا فيقول مثلا :
"اللهم عافني ، اللهم ارفع عنى البلاء و ارحمنى وانت ارحم الراحمين "
فقد قال النبي صلى الله عليه و سلم قال : " لا يقل أحدكم اللهم اغفر لي إن شئت" ( متفق عليه ) .
اذن هذا الدعاء " لا أسألك رد القضاء و لكن أسألك اللطف فيه "
باطل و لا يجوز ان ندعو به .
( من علمني حرفا صرت له عبدا )
كذلك هو مثل حرام لان العبد لله فقط . فقد قال تعالى : " و ما خلقت الجن و الإنس إلا ليعبدون "
يبئه مين بس اللى هتعبده ده لما يعلمك ، غلط طبعا حتى لو كان مثل مُضرب .
( يعطي الله الفول للي ما عنده ضروس )
وهو يشبه فى معناه ( يدى الحلق للى بلا ودان ) .
وده بردو حرام لان هذا المثل في معناه أن الله لا يتصف بالحكمة و العدل بين مخلوقاته استغفر الله العظيم ، كيف ذلك وان الله اتصف واختار اسم الحكيم ضمن أسماءه الحسنى .
وقد قال تعالى :"أهم يقسمون رحمة ربك ؟ نحن قسمنا بينهم معيشتهم في الحياة الدنيا و رفعنا بعضهم فوق بعض درجات ليتخذ بعضهم بعضا سخريا ، و رحمة ربك خير مما يجمعون
"( الزخرف ) .
( الدين لب وقشور )
مثل فى غاية العجب و حرام جدا لأن القشور لا فائدة فيها فى
العاده بل وترمى وتُهمل ، بينما الدين كله خير وفائده أصوله وفروعه وواجباته وسننه.
المثل ده بالظبط كده يعطى للناس الحق فى اتخاذ ما يعجبها من الدين واهمال ما لا يعجبها .
( رزق الهبل على المجانين)
استغفر الله العظيم مثل حرام جدااااااا فالرزاق هو الله وحده ،
قال الله فى كتابه العزيز : " إنَّ اْللهَ هُوَ الرَّزَّاقٌ ذُو القُوَّةِ المَتيِنُ ) " ( الذاريات: 5 ) .
" وما من دابة فى الارض الا على الله رزقها ويعلم مستقرها ومستودعها كل في كتاب مبين " ( هود: 6 ).
فالرزق بيد الله سبحانه وتعالى يقسمه لحكمة لا يعلمها إلا هو.
فالمفروض يكون المثل هكذا ( رزق الهبل والمجانين على رب العالمين ) كما قال الشيخ خالد الجندى .
( لا بيرحم ولا بيخلى رحمة ربنا تنزل)
كلمة ما ينفعش نقولها خالص فالله تعالى لا يؤده شئ ولا ينازعه فى سلطانه منازع .
وقال تعالى :{ قل أفرأيتم ما تدعون من دون الله إنأرادني الله بضر هل هن كاشفات ضره أو أرادني برحمة هل هن ممسكات رحمته } [ الزمر:38 ]
فآي مخلوق هذا الذي يستطيع أن يمنع رحمة ربنا من أن تنزل على عباده.
قال الله جل و علا " مَا يَفْتَحِ اللَّهُ لِلنَّاسِ مِن رَّحْمَةٍ فَلاَ مُمْسِكَ لَهَا وَمَا يُمْسِكْ فَلاَ مُرْسِلَ لَهُ مِن بَعْدِهِ وَهُوَ الْعَزِيز الْحَكِيمُ "
فمن هذا المخلوق الذى يستطيع منع رحمة الله ، فهذا القول لا يجوز على الاطلاق .
( ثور الله فى برسيمه )
كلمة عجيبة جدا ، هو يعنى فى ثور لله وثيران أخرى للناس ،
وان كان الامر كذلك فما قصد قائل هذا المثل و بماذا يرمز ثور
الله أيرمز له بالغباء والبلاهة من دون الثيران الأخرى اعوذ
بالله من الكفر والجهل بما نقول .
كلام غريب والله ، بالاضافه الى انه سوء أدب مع الله تعالى ،
قال تعالى: { مَّا لَكُمْ لاَ تَرْجُونَ لِلَّهِ وَقَاراً } ( نوح-13) .
( انا عبد المأمور )
هذه كلمة خاطئة لأننا كلنا عبيد لله الواحد الاحد القهار ، هي
توحي أن قائلها ليس عليه أي ذنب إذا أمره رئيسه بفعل ما
يغضب الله ، و الحقيقة غير ذلك ، فكل إنسان مسئول عن أفعاله
مسئولية كاملة ،
فعن ابن عمر رَضِيَ اللَّهُ عَنهُما عن النبي صَلَّى اللَّهُ عَلَيهِ وَسَلَّم
قال: ' على المرء المسلم السمع والطاعة فيما أحب وكره، إلا أن
يؤمر بمعصية ، فإذا أمر بمعصية فلا سمع ولا طاعة '
( مُتَّفَقٌ عَلَيهِ ) .
( يا مستعجل عطلك ربنا )
وطبعا الغلط واضح فالله جل شأنه لا يعطل أحدا .
ولكن العجلة والإستعجال من صفات الشيطان ، بدليل حديث أنس بن مالك رضى الله عنه ،
عن النبي صلى الله عليه و سلم
قال: ( التأني من الله والعجلة من الشيطان )
رواه أبو يعلى ، صحيح للألباني .
( ما طار طير وارتفع إلا كما طار وقع )
دعوة للتشاؤم والاحباط وكأن المثل يقول لمن علا وارتفع فى
شأنه ودراسته وعلمه انك واقع واقع ، و كل اللى بتعمله ده
مالهوش فايده ، اما سمع قائل هذا المثل حديث الرسول
صلى الله عليه وسلم " اطلبوا العلم ولو فى الصين " يعنى بجد
بنتكلم وخلاص . بس ده ما يمنعش ان صحيح المثل ده ممكن يتقال على الظالم اللى بيفترى فى الناس اهو ده صحيح علا علوا شديدا ، ولكنه واقع فى النهايه مثل فرعون المتكبر .
( من لم ياتي بعصا موسي ، ياتي بعصا فرعون )
وده معناه ان عصا فرعون اقوي من عصا موسي وده بالطبع خطأ فادح لأن العكس صحيح .
والمثل ده بيحسسنى فى معناه ان اللى مايجيش بالخير يجى
بالشر . وطبعا ده غلط كبير جدا .
( اللى يبان منى ذكة عنى )
ودايما نلاقى البنات تقول الكلمة دى وهى مش فاهمه معناها
يا اختى الا تعلمى ان الله طيب ولا يقبل الا طيبا فكيف لكى ان تقولى < اللى يبان منى ذكة عنى > هو الواحد بيتصدق ويذكى بالطيب ام بالخبيث؟ بل كيف تصفين ما يظهر منكى شعرك كان او جسدك ذكاةً كيف تسمى هذا بالذكاة ولا حول ولا قوة الا بالله كونى واعية اختى بما تقولين بارك الله فيكى .
( المنحوس منحوس ولو حطوا على باب بيته فانوس)
دعوة للتشاؤم واليأس وعدم الرضا بقضاء الله عز وجل .
( كثرالسلام يقل المعرفة )
هذا قول شيطانى لا يجب أن يتفوه به مسلم، فالرسول الكريم
صلى الله عليه وسلم حض على إفشاء السلام؛ لأنه مفتاح الحب
والمودة بين الناس
وقد قال الله عز وجل:{ فإذا دخلتم بيوتا فسلموا على أنفسكم تحية من عند الله } ، ( النور:61)
و عن أبي سعيد الخدري عن النبي صلى الله عليه وسلم قال : (إياكم والجلوس في الطرقات قالوا يا رسول الله ما لنا بد من مجالسنا نتحدث فيها قال رسول الله صلى الله عليه وسلم فإذا أبيتم إلا المجلس فأعطوا الطريق حقه قالوا وما حقه قال غض البصر وكف الأذى ورد السلام والأمر بالمعروف والنهي عن المنكر ) رواه مسلم .
( الأقارب عقارب )
هذا مثل أحمق مضل يحض على قطيعة الرحم التي أمر الله أن توصل ، ويصطدم مع مبادئ الإسلام .
حيث يقول الله تعالى: " واعبدوا الله ولا تشركوا به شيئا وبالوالدين إحسانا وبذي القربى " ( النساء 36: )
(أبكى على الزمان اللي عمل القصير شمعدان )
مثل فى غاية الجراءه والجهل ويعبر عن سوءالادب والاعتراض على قدر الله ووصفه بالظلم والقدر والزمان خلق الله،
قال عز وجل " وربك يخلق مايشاء ويختار " ( القصص :68 ) .
( ساعة لقلبك وساعه لربك )
اولا ترتيب الجمله هنا غلط لان المفروض ان
تكون هكذا ( ساعه لربك وساعه لقلبك )
ثانيا الجمله من الاصل غلط خالص لانها مقتبسه من حديث الرسول صلى الله عليه وسلم مع ابى بكر حينما قال رسول الله صلى الله عليه وسلم
لقيني أبو بكر فقال كيف أنت يا حنظلة قال قلت نافق حنظلة
قال سبحان الله ما تقول قال قلت نكون عند رسول الله صلى
الله عليه وسلم يذكرنا بالنار والجنة حتى كأنا رأي عين فإذا
خرجنا من عند رسول الله صلى الله عليه وسلم عافسنا
الأزواج والأولاد والضيعات فنسينا كثيرا قال أبو بكر فوالله
إنا لنلقى مثل هذا فانطلقت أنا وأبو بكر حتى دخلنا على
رسول الله صلى الله عليه وسلم قلت نافق حنظلة يا رسول
الله فقال رسول الله صلى الله عليه وسلم وما ذاك قلت يا
رسول الله نكون عندك تذكرنا بالنار والجنة حتى كأنا رأي عين
فإذا خرجنا من عندك عافسنا الأزواج والأولاد والضيعات
نسينا كثيرا فقال رسول الله صلى الله عليه وسلم والذي نفسي
بيده إن لو تدومون على ما تكونون عندي وفي الذكر لصافحتكم
الملائكة على فرشكم وفي طرقكم ولكن يا حنظلة ساعة
وساعة ثلاث مرات .
فساعه وساعه هذا ليس فى معناه ان
تفعل مايرضى الله من الصلاة وقراءة القران
والامر بالمعروف والنهى عن المنكر فى
الساعه المخصصه لذلك ، ثم بعدها تذهب
لترضى نفسك فتجدها تأمرك بمشاهدة
الافلام او الكليبات وسماع الاغانى الساقطه
وتستجيب لها وتقول لا عادى ماهو ساعه
لربك وساعه لقلبك لا يا اخى ليس الامر
هكذا .
انما معناها ساعه وساعه يعنى ساعه لله وساعه للانسان فى عمله واولاده وحياته ومش معنى كده اننا نقضيها فى العصيان اعوذ بالله .
( صباح الخير، أو صباح النور، أو العواف، أو ما شابه ذلك )
هذه من أساليب تحية أهل الجاهلية وأهل الكفر والشرك والمجوس فيالهند حيث ، يعتقدون بوجود قوتين الخيروالشر يمثلها النور والظلام ، وإنماينبغي أن نعلم أن تحية الإسلام هي السلام عليكم ورحمة الله وبركاته، في أيوقت كان.
قال صلى الله عليه وسلم : " إذا لقي الرجل أخاهالمسلم فليقل: السلام عليكم ورحمة الله" ( صحيح الترمذى)
( اتق شر الحليم اذا غضب ، اتق شر من أحسنت إليه )
وللاسف الكلمه دى اصبحت قاعده الناس
ماشيه عليها واصبحوا يتوقعوا الشر قبل
حدوثه من الناس اللى بيحسنوا اليهم
واصبحت مبرر للناس كى لا يحسنوا للاخرين .
هو صحيح فى ناس بتقع فى المشكله دى
كتير وتكون بتنفق وتحسن وتفعل الخير تجاه
ناس اخرين و تقابل هذا الاحسان بالشر وطبعا
دى حاجه بضايق
لكن مهما كان الموقف فهو مش هيكون
اكتر من موقف ابى بكر الصديق رضى
الله عنه عندما خاض مسطح فى عرض
ابنته السيده عائشه رضى الله عنها وكان
يُنفق على مِسطحٍ لقرابته من وفقره ،
فقال -: والله لا أُنفق عليه شيئًا بعد الذي
قال في عائشة، فأنزل الله تعالى: {ولا يأتلِ أولو الفضلِ منكم} إلى قوله: {ألا تُحبون أن يغفرَ الله لكم}.
فقال أبو بكر: إني لأحبُ أن يغفر الله لي، فرجع إلى مِسطحٍ النفقة التي كان يُنفق عليه، وقال: لا انزعها منه أبدًا.
( الانسان اصله قرد )
مثل بصراحه فى غاية الغباء ، ماهو اصلنا مين
مش سيدنا ادم عليه السلام يبقى اذى
اصلنا قرد استغغفر الله العظيم .
( ياكل مال النبى ويحلى بالصحابه )
هو مين ده اللى يجرؤ يعمل كده ، لا حول ولا
قوة الا بالله ليه احنا وصلنا لدرجة اننا ندخل
الرسول عليه الصلاة والسلام والصحابة
والاشخاص الجليله فى كلامنا وامثالنا
وتهريجنا . يعنى حاجه فعلا غريبه جدا .
( انا ادعى على ولدى واكره اللى يقول امين )
مثل حرام جدا لان الرسول عليه الصلاة
والسلام نهانا عن الدعاء على اولادنا فى
حديث
رواه أبو داود في السنن :
(لا تدعوا على أنفسكم ولا تدعوا على أولادكم ولا تدعوا على خدمكم ولا تدعوا على أموالكم لا توافقوا من الله تبارك وتعالى ساعة نيل فيها عطاء فيستجيب لكم ) سنن أبي داود .
( مايكونش عندك العز ده كله واروح اقول عشانا عليك يارب )
استغفر الله العظيم ، هو الرزق ده مش
بتاع ربنا سبحانه وتعالى يبقى اذاى نقول
الكلام ده بس ، لازم نقتلع عنه تماما .
( بركه يا جامع )
المثل ده اصله الحكايه دى :
كان فى واحد
مش عايز يخرج للصلاه فى الجامع فأخرها
عشان مايروحش يصليها فى الجامع
لكن افتكر ان الناس اللى متعوده تشوفه فى
الجامع هيقولوا " ما لنا لا نرى فلان بيننا " ،
فقرر انه يخرج وخلاص طبعا رياء عشان
الناس بس ماتتكلمش . و اثناء سيره للجامع وجده
مغلق فراح قايل الكلمه دى " بركه يا جامع "
على
اساس انها جت من الجامع مش منه.
واحنا
بنردد الكلمه ومش عارفين معناها . وطبعا
هى حرام لان معنى الكلمه مدفون فى معنى
القصه مش بالكلمه نفسها .
( اكل الدهر عليه وشرب )
ينفع كده طيب ، واحنا عارفين ان الدهر هو
الله ، استغفر الله العظيم .
( على الحرام من دينى )
ايه الكلام الغريب ده ، حلفان حرام جدا .
( انا واخويا على ابن عمى وانا وابن عمى
على الغريب ).
اللى قال المثل ده نسى ان المسلمون اخوة ،
فقد قال الله سبحانه
وتعالى فى كتابه العزيز :
( إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ ).
( ان كان ليك صاحب لا تناسبه )
ليه يعنى ايه السبب ؟
( خد من التل يختل )
ويتقال المثل ده لما تيجى تتصدق وتطلع شىء لله ، وبالطبع
ده قول شيطانى . لان الشيطان هو اللى بيقول كده ليحرمنا
الحسنات والثواب اللى ربنا بيجازينا بيه .
( قالوا للحرامى احلف ، قال جالك الفرج )
دعوة للحلفان بالله باطلا .
( ده بياكل رز مع الملايكه )
يا اخى حرام عليك هى الملايكه بتاكل اصلا عشان تأكله انت
معاها ، الملائكة لا تاكل بدليل قوله تعالى :
: " هل أتاك حديث ضيف إبراهيم المكرمين ، إذ دخلوا عليه فقالوا سلاماً ، قال سلام قوم منكرون ، فراغ إلى أهله فجاء بعجل سمين ، فقربه إليهم قال إلا تأكلون "
( تتبع )
مشكـــــــــور مــــــــــروركم
و
منتظره ردودكم
...وشكرا...
--------------------------------------------------------------------------------
التعديل الأخير كان بواسطة : سمرمحمود بتاريخ 09-13-2009 الساعة 11:28 PM
سمرمحمود
عرض ملفه الشخصي
إرسال رسالة خاصة إلى سمرمحمود
البحث عن كافة المشاركات بواسطة سمرمحمود
موضوع: كلمات خطيره ..........لازم نتجنبها..........إنتبه!!!!!!! 
الأربعاء سبتمبر 16, 2009 5:15 pm